АСТАНА. 31-мамыр. Kazakhstan Today. Мемлекет басшысы Нұрсұлтан Назарбаев кеше ЕурАзЭҚ бас хатшысы Григорий Рапотаны қабылдады, деп хабарлайды Kazakhstan Today тілшісі президенттің баспасөз қызметіне сілтеме жасап.
"Кездесу барысында жазда Мәскеуде өтетін ЕурАзЭҚ мемлекетаралық кеңесінің мемлекет басшылары деңгейіндегі отырысына дайындықтардың жайы талқыланды",- делінген хабарламада.
Г.Рапота Қазақстан президентіне ЕурАзЭҚ-қа қатысушы елдердің мемлекет басшыларының Кедендік одақтың құқықтық базасын қалыптастыру жөніндегі тапсырмаларының орындалу барысы туралы баяндап берді. "Бүгінде Кедендік одақты құрып аяқтауға қажетті халықаралық құқықтық құжаттардың тізімінде 23 құжат бар. Олардың 17-сінің жобасы сарапшылар деңгейінде келісілген және мемлекетішілік процедураларды жүзеге асыру үшін тараптарға жолдайтындай жағдайға келді",- деп хабарлайды баспасөз қызметі.
Сұхбат барысында сонымен бірге ЕурАзЭҚ кеңістігіндегі су-энергетикалық реттеу мәселелері де қозғалды. "Бұрын берілген тапсырмалардың аясында біз су-энернетикалық реттеу жөніндегі және Орталық Азиядағы су-энергетикалық ресурстарды мейлінше тиімді пайдалану жөніндегі тұжырымдаманың жобасын дайындап жатырмыз. Бұған қоса қазір біртұтас энергетикалық кеңістік жөніндегі тұжырымдаманың жобасы әзірленуде",- деді Г.Рапота кездесуден кейінгі брифингте.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Назарбаев пен Рапота жазда Мәскеуде өтетін ЕурАзЭҚ мемлекетаралық кеңесінің отырысына дайындықтардың жайын талқылады
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.