Назарбаев пен үлкен Буш Қазақстан-АҚШ қарым-қатынасының болашағын талқылады
ВАШИНГТОН. 27-қыркүйек. Kazakhstan Today. Қазақстан президенті Нұрсұлтан Назарбаев пен АҚШ-тың бұрынғы президенті Джордж Буш "Уокер поинт" қонысында Қазақстан-АҚШ қарым-қатынасының болашағын талқылады, деп хабарлады Вашингтондағы АҚШ елшісі Қанат Саудабаев.
"Екі лидер кездесуде тек өткен шақ туралы әңгіме өрбітіп қана қоймай, Қазақстан мен Қазақстан-АҚШ қарым-қатынасының болашағын да талқылағаны аса маңызды оқиға болмақ",- деді кездесуге тікелей қатысқан Қ.Саудабаев.
"Бұл бір-бірін көптен бері жақсы білетін екі адамның меймандос жарқын кездесуі болды. Мұндай қабылдау арқылы Нұрсұлтан Назарбаевқа үлкен құрмет-ілтипат белгісі танытылып, Қазақстанның тәуелсіздік жылдарындағы ұлығаусар табыстарын мойындау ишарасы жасалды",- деді ол.
"Қазақстанның осы уақыт ішінде жүріп өткен жолын үлкен Джордж Буш қана лайықты бағалай алады. АҚШ президенті ретінде Қазақстанның тәуелсіздігін мойындаған да сол, екі жақты қарым-қатынастардың іргетасын қалаған да сол. Еске аларлық нәрселер сол себепті көп болды",- деді Қ.Саудабаев.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.