Назарбаев ТМД мемлекет басшыларының бейресми саммитіне қатысады
Астана. 18 ақпан. "Қазақстан Бүгін" - Қазақстан президенті Нұрсұлтан Назарбаев ТМД мемлекет басшыларының бейресми саммитіне қатысады. Бұл туралы бүгін өткен брифингте ҚР СІМ ресми өкілі Ержан Ашықбаев құлағдар етті , деп хабарлайды агенттік тілшісі.
"Мәскеуде 22 ақпанда ТМД мемлекеті басшыларының бейресми басқосуы өтеді. Бұл кездесуге Қазақстан президенті Нұрсұлтан Назарбаевтың қатысуы жоспарланған ", - деді Е. Ашықбаев.
Ол атап өткеніндей, саммит барысында ТМД аясындағы ынтымақтастықты кеңейту мәселелері, сондай-ақ 2007 жылдың 5 қазанындағы ТМД-ны одан әрі дамыту тұжырымдамасы аясындағы негізгі шараларды жүзеге асыру жоспары да қарастырылады.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.