АСТАНА. 10-қазан. Kazakhstan Today. Норвегия Қазақстанмен етене жақын ынтымақтастық орнатудан мүдделі. Бұл туралы Норвегияның сыртқы істер вице-министрі Кьетил Скугранд ҚР СІМ Қасымжомарт Тоқаевпен кездесу қорытындысы бойынша өткізілген баспасөз мәслихатында мәлімдеді, деп хабарлайды Kazakhstan Today тілшісі.
К.Скуграндтың айтуынша, "қазір Норвегияның кейбір компаниялары Қазақстанда жұмыс істеп жатыр, экология, мұнай өнеркәсібіне арнап маман дайындау, мұнай ресурстарын басқару салаларында жақын ынтымақтастық орнаған". Ийтсе де, шенеуніктің айтуынша, "Қазақстан мен Норвегия арасындағы тауар айналымының деңгейі төмен күйінде қалып отыр. Дегнмен, кейбір салаларда, мәселен, балық өнімдерін экспорттау саласында өсім байқалады. Исіресе энергетика саласында бұдан да жақын ынтымақтастық орнату әлеуеті жоғары",- дейді К.Скугранд.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Норвегия Қазақстанмен етене жақын ынтымақтастық орнатудан мүдделі - Норвегия вице-министрі
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.