АСТАНА. 3 - мамыр. Kazakhstan Today. Қазақстанның "Нұр Отан" халықтық -демократиялық партиясы мен Жапонияның Либералдық-демократиялық партиясы ынтымақтастық туралы келісімге қол қоймақ. Мұндай келісімге бүгін екі партия өкілдерінің кездесуі барысында қол жеткізілді, деп хабарлайды Kazakhstan Today агенттігінің тілшісі.
"Біз үстіміздегі жылдың күзінде қол қоятын Жапонияның Либералдық-демократиялық партиясымен ынтымақтастық туралы декларация дайындамақпыз",- деді кездесу барысында "Нұр Отан" партиясы төрағасының міндетін атқарушы Бақытжан Жұмағұлов. Оның пайымдауынша, қол қойылған келісім Қазақстан мен Жапония арасындағы партиялық қатынастарды жаңа деңгейге көтеруге мүмкіндік береді.
Жапония партиясының басшысы "Нұр Отанның" бастамасын қолдады. "Мен де қазіргі уақытта қатынасымызды партия деңгейінде дамыту өте маңызды деп ойлаймын",- деді Жапонияның Либералдық-демократиялық партиясының саяси зерттеулер жөніндегі кеңесінің төрағасы Сеити Накагава. "Сонымен қатар ынтымақтастықты партиялардың аймақтық бөлімшелері деңгейінде де дамыту қажет, бұл партиялар арасындағы өзара ықпалдастық стратегиясын нақты белгілеуге мүмкіндік береді",- деп атап көрсетті ол.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
"Нұр Отан" мен Жапонияның Либералдық-демократиялық партиясы ынтымақтастық туралы келісімге қол қоймақ
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.