АСТАНА. 5 қаңтар. Kazakhstan Today. Кеше Халық-демократиялық "Нұр Отан" партиясының орталық кеңсесінде ХДП төрағасы Бақытжан Жұмағұлов ҚР президентінің халықаралық "Болашақ" стипендиясы түлектерінің Ассоцияциясы президенті, ҚР мемлекеттік қызмет істері Агенттігі төрағасының бірінші орынбасары Ғабидолла Абрахимовпен кездесті. Бұл туралы Kazakhstan Today агенттігі партияның баспасөз қызметіне сілтеме жасай отырып хабарлайды.
Баспасөз қызметінің хабарлауынша, Б. Жұмағұлов пен Г. Абдрахимов ҚР президентінің ең бастысы "Нұр Отан" партиясын жастардың партиясы ету туралы тапсырмасын сөз етті.
Сонымен қатар, кездесу барысында алдағы жоспарланған жұмыстарды жүзеге асыру бағыттары және халықаралық стипендия түлектерін неғұрлым тиімді пайдалану аясы турасында пікір алмасты. Олардың озық технологиялар және демократиялық процесстер жөніндегі білімдері отандық партия құрылыстарының кез келген саласында қажет болуы анық. Бұл ретте алдымен Қазақстанның жетекші саяси күшінің одан әрі дами түсуінде қажет болмақ,-деген тұжырымға келді кездесуге жиналғандар.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
"Нұр Отан" партиясы төрағасының міндетін атқарушы мен ҚР мемлекеттік қызмет істер жөніндегі Агенттіктің төраға орынбасары ортақ істерінің негізгі бағыттары туралы әңгімелесті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.