"Нұр Отан" партиясынан мәжіліс құрамына үкіметтің екі мүшесі ғана өтті (толықтырылған нұсқа)
Нұр Отан" халықтық -демократиялық партиясы саяси бюросының шешімімен төртінші шақырылатын парламент мәжілісінің құрамына сайлаудан жеңіске жеткен партиядан үкіметтің екі мүшесі ғана өтті.
"ҚАЗАҚСТАН БҮГІН". 24 тамыз. АСТАНА. "Нұр Отан" халықтық -демократиялық партиясы саяси бюросының шешімімен төртінші шақырылатын парламент мәжілісінің құрамына сайлауда жеңіске жеткен партиядан үкіметтің екі мүшесі ғана өтті, деп хабарлады журналистерге партия төрағасының орынбасары Бақытжан Жұмағұлов.
Б.Жұмағұловтың айтуынша, бұлар вице-премьер Аслан Мусин мен еңбек және халықты әлеуметтік қорғау министрі Гүлжан Қарағұсова.
Сондай-ақ, оның хабарлауынша, "Нұр Отан" партиясынан мәжіліс құрамына бұрынғы шақырылымның 38 депутаты өтті.
Б.Жұмағұлов сонымен бірге "Нұр Отанның" партиялық тізіміне енген әкімдерден мәжіліске ешкім өтпегенін жеткізді.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.