"Нұр Отанның" парламенттік фракциясының кеңейтілген отырысында республика үкімет басшысы лауазымына Кәрім Мәсімовтың кандидатурасы талқыланды
АСТАНА. 9-қаңтар. Kazakhstan Today. Бүгін "Нұр Отан" партиясының парламенттік фракциясының кеңейтілген отырысында республика үкімет басшысы лауазымына Кәрім Мәсімовтың кандидатурасы талқыланғанын бір парламент депутаты құлағдар етті, деп хабарлайды Kazakhstan Today тілшісі.
"Болашақ үкімет басшысының кандидатурасы қызу талқыланды, бәрі оны мақтап бақты. Ол , мүмкін, мақтауға лайық та шығар",- деді депутат.
Өз кезегінде фракцияның отырысына қатысқан тағы бір депутаттың журналистерге хабарлауынша, фракцияның бүгінгі отырысында талқыланған премьерліктен кандидат "экономист және заңгер мамандығы бар, үкіметте көптен бері істеп келе жатқан адам".
"Бұл кандидатура өз іс-әрекеттерінде жалпы және парламентпен диалогта мәмілегерлігі тұрғысынан алғанда қолдауға тұрады",- деді депутат.
Ол сонымен бірге, "іс жүзінде кандидатура айқындалғанын, бірақ оны әдеттегідей, ел президенті таныстыруға тиіс" екенін жеткізді.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.