Обама Ливияға құпия операция жүргізуге рұқсат берген
Обама Ливияға құпия операция жүргізуге рұқсат берген, деп хабарлайды Kazakhstan Today агенттігінің тілшісі.
Алматы. 31 - наурыз. Kazakhstan Today - Обама Ливияға құпия операция жүргізуге рұқсат берген, деп хабарлайды Kazakhstan Today агенттігінің тілшісі.
BNews.kz. ақпараттық агенттігінің хабарлауынша, АҚШ Президенті Барак Обама Америка Құрама Штаты әскерлерінің Ливияға құпия операция бастауы жөнінде жасырын өкімге қол қойған. Операция көтерілісшілердің ливия көсемі Муаммар Каддафиге қарсы күресіне көмек көрсетуге бағытталған. Бұл туралы Лента.ру агенттігі ABC News агенттігіне сілтеме жасай отырып хабарлаған.
Өкімде тосын жағдайлар туа қалған кезде Каддафи армиясына қарсы қарау-жарақ сақтайтын орындардың сызбалары нақтыланған. Алайда осы кезеңде көтерілісшілерге қару-жарақты қалай беру керектігі туралы нұсқаулар көрсетілмеген.
Ақ үйдің өкілдері мәліметтердің құпиялық сипатына жүгініп, бұл ақпаратқа түсініктеме беруден бас тартты. "Көтерілісшілерді қару-жарақпен жабдықтау жөнінде шешім қабылданған жоқ. Біз жоққа шығармаймыз, [мұндай мүмкіндікті] сонымен қатар растамаймыз да. Біз Ливия халқын қолдаудың барлық мүмкіндіктерін бағалап, қарастырудамыз", - делінген Барак Обама өкілдерінің мәлімдемесінде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.