Обама сапарынан кейінгі жарылыстарды "Талибан" өз мойнына алды
Рейтер агенттігінің хабарлауынша, шетел азаматтары тұратын қаланың шығыс бөлігінде жарылыс болып, артынан жасақшылар автоматтардан оқ атқан. Изірге алты адамның қаза тапқаны расталды, олардың біреуі жергілікті қауіпсіздік күштерінің қызметкері, қалғаны бейбіт тұрғындар.
Астана. 2-мамыр. Kazakhstan Today - Обама сапарынан кейінгі жарылыстарды "Талибан" өз мойнына алды, деп хабарлайды Kazakhstan Today агенттігінің тілшісі.
Ауғанстан астанасы Кабулда АҚШ президенті Барак Обаманың сапарынан соң іле-шала болған жарылыстар үшін жауапкершілікті ,, Талибан,, қозғалысы өз мойнына алды.
Рейтер агенттігінің хабарлауынша, шетел азаматтары тұратын қаланың шығыс бөлігінде жарылыс болып, артынан жасақшылар автоматтардан оқ атқан. Изірге алты адамның қаза тапқаны расталды, олардың біреуі жергілікті қауіпсіздік күштерінің қызметкері, қалғаны бейбіт тұрғындар.
Ал, Би-Би-Си агенттігі жарылыс саны үшеу деп хабарлады. Полицияның мәліметтеріне қарағанда, шабуылға ұшыраған ауданда шетел әскерінің күшейтілген лагері бар, америкалық жауынгерлердің шоғырлануы да мүмкін. Жарылыстар АҚШ президенті Барак Обама мен Ауғанстан басшысы Хамид Карзай стратегиялық серіктестік туралы келісім шартқа қол қойғаннан кейін болған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.