Оралда ҚР Президенті жанындағы жастар саясаты жөніндегі кеңесінің көшпелі отырысы өтеді - баспасөз баяны
ҚР Президенті жанындағы жастар саясаты жөніндегі кеңесінің көшпелі ХІІІ отырысы 6-7 желтоқсан күндері Орал қаласында өтпек.
ҚР Президенті жанындағы жастар саясаты жөніндегі кеңесінің көшпелі ХІІІ отырысы 6-7 желтоқсан күндері Орал қаласында өтпек.
Кеңесте мемлекет басшысының жастар саясатын жетілдіру жөніндегі тапсырмаларынан туындайтын міндеттер, Батыс Қазақстан, Атырау, Маңғыстау, Ақтөбе облыстарындағы жастар саясатының жүзеге асуы сөз болмақ. Сондай-ақ басқосуда жастардың тұрғын үй мәселесі де көтеріледі деп күтілуде.
Кеңестің ХІІ отырысы қазан айында Өскемен қаласында өткен болатын.
ҚР Президенті жанындағы жастар саясаты кеңесі - 2008 жылғы 1 шілдеде ҚР Президентінің Жарлығымен құрылған консультативтік-кеңесші орган. Оның құрамына мемлекеттік органдардың, республикалық және аймақтық жастар ұйымдарының, ғылыми және шығармашыл жастардың өкілдері енген.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.