Орта Азия елдері су энергетикалық ресурстарды пайдалану жөніндегі 4 жақты келіссөздерде ортақ келісімге келе алмады
Орта Азия елдері су энергетикалық ресурстарды пайдалану жөніндегі 4 жақты келіссөздерде ортақ келісімге келе алмады
Бішкек. 17 шілде. "Қазақстан Бүгін" - 2008 жылы Нарын-Сырдария бассейнінің су энергетикалық ресурстарын бірлесе пайдалану жөніндегі үкіметаралық хаттама жасау жөніндегі келіссөздер жыл басында басталған. 2008 жылы сәуірдің 30-ы мен маусымның 10-да Қырғыз жағының бастамасымен Бішкекте Қырғызстан, Қазақстан, Тәжікстан және Өзбекстан елдерінің жұмысшы топтарының өкілдері жиналған. Алайда, соған қарамастан келісімге қол жеткізілген жоқ, деп хабарлайды "Қазақстан Бүгін" агенттігінің тілшісі "Электр станциялары" ААҚ баспасөз қызметіне сілтеме жасай отырып.
"Төрт жақты, кейіннен екі жақты үкіметаралық келісімдерге келудің барлық әрекеттері сәтсіз аяқталғаннан кейін электр қуатының азғантай бөлігі барлық қызығушылық танытқан сатып алушылар үшін 1 кВт/сағатына 4,5 цент бағасымен өңірлік энергетикалық нарыққа шығарылды. Нәтижесінде "Электр станциялары" ААҚ мен Қазақстанның оңтүстігінің ірі тұтынушылары арасында тікелей келісім жасалды", - деп хабарлайды баспасөз қызметі.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.