БІШКЕК. 3 - мамыр. Kazakhstan Today. Орта Азия мемлекеттерінің Одағын құру оның құрамына кіретін елдердің егемендігі мен аумақтық тұтастығына нұқсан келтірмейді. Бұл туралы бүгін Бішкекте өткен баспасөз мәслихатында Қазақстанның Қырғызстандағы төтенше және өкілетті елшісі Өмірзақ Өзбеков мәлім етті, деп хабарлайды Kazakhstan Today агенттігінің тілшісі.
"Орта Азия мемлекеттерінің одағын құру кез-келген мемлекеттің егемендігіне қатысы жоқ, олар біртұтас болып қала бермек",- деп атап өтті Ө. Өзбеков. "Сөз тығыз экономикалық бірігу туралы, бірыңғай экономикалық кеңістік құру туралы болып отыр",- деп түсіндірді ол.
Дипломаттың айтуынша, біртұтас экономикалық кеңістік құрғаннан кейін ең алдымен кедендік, сосын валюталық одақ құру қажет.
Қырғызстанның сыртқы істер министрінің орынбасары Асқар Бешимов өз кезегінде, Нұрсұлтан Назарбаевтың Орта Азия мемлекеттерінің одағын құру туралы бастамасы соңғы алты жылда жылда белсенді талқыланып отырғандығын еске сала кетті. "Жалпы Қырғызстан бұл идеямен келіседі, бірақ кез-келген идеяны іске асыру барысында нақты механизм болуға тиіс",- деп мәлім етті вице-министр.
Оның пікірінше, Нұрсұлтан Назарбаевтің Бішкектегі жуықтағы ресми сапары барысында құрылған Қырғызстан мен Қазақстанның Жоғарғы мемлекетаралық кеңесі Орта Азия мемлекеттерінің одағын құруға серпін береді.
"Орта Азия мемлекеттерінің одағын құру екі мемлекет президенттерінің саяси шешімі болмақ , сонымен қатар осы елдердің қоғамдық пікіріне байланысты",- деп қосты А. Бешимов.
Естеріңізге сала кетейік, Н. Назарбаевтың Бішкекке сапары барысында Қырғызстанның президенті Құрманбек Бакиев Қазақстан президентінің Орта Азия мемлекеттерінің одағын құру туралы бастамасын қолдаған болатын. Ол сондай-ақ Орта Азияның басқа елдерінің бұл одақты құруға келісімін күтпеуге шақырып, Қырғызстан мен Қазақстанның бірігуін бастауға ұсыныс жасаған болатын.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Орта Азия мемлекеттерінің Одағын құру қатысушы елдердің егемендігіне нұқсан келтірмейді - қазақстандық диполмат
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.