АСТАНА. 18 - сәуір. Kazakhstan Today. Орталық Азиядағы трансшекаралық өзендерді тиімді және әділ пайдалану туралы мәселені шешу Қазақстан Республикасының сыртқы саясатының басым міндеттерінің бірі болып табылады. Мұндай пікірін бүгін Астанада өткен ЕурАзЭҚ мемлекетаралық кеңесінің үкімет басшылары деңгейіндегі отырысында Қазақстан Республикасының премьер-министрі Кәрім Мәсімов мәлім етті, деп хабарлайды Kazakhstan Today агенттігінің тілшісі.
"Мемлекет аймақтарының одан әрі тұрақты дамуы көп жағдайда еліміздің су қатынастарының дамуына тәуелді болады",- деді К. Мәсімов.
Оның пікірінше, Орта Азия мемлекеттерінің су энергетикалық ресурстарын өзара пайдалану проблемаларын шешудегі жақындасу процессі баяу қарқынмен жүруде және де тиімділігі төмен деп сипатталуда. "Бұл жеткілікті құқықтық базаның болмауы, су ресурстарын бірлесе пайдалану, жеке мүдделердің басымдылығы, су ресурстарына деген мұқтаждықтың үнемі өсуі сияқты бірқатар себептерге негізделген",- деп түсіндірді Қазақстан Республикасының премьер-министрі.
"Орталық Азия республикаларында экономика дамыған және халық саны өскен сайын сумен тұрақты қамтамасыз ету проблемасы ның өзектілігі арта түсуде",- деп қосты ол. Осыған байланысты үкімет басшысы Орталық Азия аймақтарының су энергетикалық ресурстарын тиімді пайдалану тұжырымдамасын қабылдау қажет деп санайды.
"Тұжырымдама аталмыш су бассейніне жататын барлық елдерінің, соның ішінде ЕурАзЭҚ құрамына кірмейтін елдердің, атап атап айтқанда Түркіменстанның мүддесін ескеруі қажет",- деген сенімде К. Мәсімов.
Сонымен қатар, көрсетілген тұжырымдаманы пысықтау барысында Қазақстан жағы оны жүзеге асырудың құрамдас бөлігі ретінде Еуразиялық су орталығын құру туралы мәселені қарастыру керек деп санайды. "Біз аталмыш бастама халықты сапалы ауыз сумен қамтамасыз ету проблемасын шешу саласындағы түсіністік пен тұрақты дамуға өтуге мүмкіндік беретін құралдардың бірі болады деп санаймыз",- деді К. Мәсімов.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Орталық Азиядағы трансшекаралық өзендерді тиімді пайдалану туралы мәселені шешу Қазақстан Республикасының сыртқы саясатының басым міндеттерінің бірі болып табылады
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.