АСТАНА. 20-қазан. Kazakhstan Today. Орталық сайлау комиссиясы 2007-жылы еліміздегі әкімшілік-аумақтық бірліктердің 70 процентінде әкімдер сайлауы өтуі мүмкіндігін жоққа шығармайды, деп хабарлайды Kazakhstan Today тілшісі
"Бүгін өткен сайлау еліміздегі әкімшілік-аумақтық бірліктердің 70 процентінде келесі жылы әкімдерді сайлауға болады деген тұжырым жасауға негіз болмақ",- деп мәлімдеді Орталық сайлау комиссиясының төрағасы Оңалсын Жұмабеков бүгін комиссияның мәжілісінде.
"Облыстық маңызы бар қалалар мен аудандардың әкімдерінің бүгінгі сайлауы жоғары деңгейде өтті. Сайлау қызу күреспен өткеніне қарамастан, нәтижесі дауыс беру барысында-ақ белгілі болды. Бұл сайлау мәслихат депутаттарына бұрынғыдан ауқымдырақ өкілеттілік берілгенін, олардың ролі арта түскенін паш етті",- деді Орталық сайлау комиссиясының басшысы.
Бұдан бұрын да хабарлағанымыздай, бүгін еліміздің 10 қаласы мен 49 ауданында әкімдер сайлауы өткізілді.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Орталық сайлау комиссиясы 2007-жылы еліміздегі әкімшілік-аумақтық бірліктердің 70 процентінде әкімдер сайлауы өтуі мүмкін деп санайды
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.