АСТАНА. 12-шілде. Kazakhstan Today. Орталық сайлау комиссиясы "Нұр Отан" ХДП-ның мәжіліс депутаттығына 126 үміткерден құралған партиялық тізімін тіркеді, деп хабарлайды ОСК.
"Орталық сайлау комиссиясы 12 шілдеде "Нұр Отан" ХДП-ның мәжіліс депутаттығына 126 үміткерден құралған партиялық тізімін тіркеді",- делінген бүгін ОСК отырысы алдында таратылған баспасөз баянында.
Орталық сайлау комиссиясының отырысы барысында комиссия төрағасы Қуандық Тұрғанқұлов "Нұр Отан" партиясы келтірген тізімнен Талғат Мұсабаевтың тіркелмей қалғанын жеткізді. "Ол соңғы 10 жыл бойы Қазақстанда тұрмаған",- деді ол.
Бұдан бұрын да хабарлағанымыздай, Орталық сайлау комисиясына жалпы алғанда 7 саяси партияның тізімі тапсырылды, соның ішінде "Нұр Отан" ХДП (оның сьезінде 127 кандидаттың тізімі бекітілген), "Руханият" партиясы (11), "Ақжол" (114), ЖСДП (80), "Ауыл" партиясы (40), ҚХКП (22) және Патриоттар партиясы (13) бар.
Партиялық тізімдерді тіркеу 17 шілдеде аяқталады. 18-шілдеден бастап партиялар сайлау алдындағы үгіт-насихат жұмыстарына кірісе алады. ҚР парламенті мәжілісінің кезектен тыс сайлауы партиялық тізім бойынша 18-тамызда өтеді.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Орталық сайлау комиссиясы "Нұр Отанның" мәжіліс депутаттығына 126 үміткерден құралған партиялық тізімін тіркеді (толықтырылған нұсқа)
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.