Орталық сайлау комиссиясы парламент мәжілісінің депутаттарын сайлаудың соңғы қорытындысын жария етті (толықтырылған нұсқа)
Орталық сайлау комиссиясы парламент мәжілісінің депутаттарын сайлаудың соңғы қорытындысын жария етті. Бұл туралы бүгін Орталық сайлау комиссиясының отырысында комиссияның хатшысы Бақыт Мелдешов мәлім етті.
"ҚАЗАҚСТАН БҮГІН". 22 - тамыз. АСТАНА. Орталық сайлау комиссиясы парламент мәжілісінің депутаттарын сайлаудың соңғы қорытындысын жария етті. Бұл туралы бүгін Орталық сайлау комиссиясының отырысында комиссияның хатшысы Бақыт Мелдешов мәлім етті, деп хабарлайды "ҚАЗАҚСТАН БҮГІН" агенттігінің тілшісі.
Орталық сайлау комиссиясының ақпараттарына сүйенсек, Қазақстан парламентінің мәжіліс депутаттарының кезектен тыс сайлауында "Нұр Отан" Халықтық-демократиялық партиясы 88,41 пайыз, "Ақ жол" партиясы - 3,09 пайыз, Жалпы ұлттық социал-демократиялық партия - 4,54 пайыз, Қазақстанның Патриоттар партиясы - 0,78 пайыз, "Ауыл" партиясы - 1,51 пайыз, "Руханият" партиясы - 0,37 пайыз, Қазақстанның Халықтық коммунистік партиясы - 1,29 пайыз дауыс жинаған.
ОСК хатшысының айтуынша, Қазақстан парламенті мәжілісінің депутаттарын кезектен тыс сайлауында "Нұр Отан" Халықтық-демократиялық партиясы үшін 5 247 720, немесе сайлаушылардың 88,41 пайызы, "Ақ жол" партиясы үшін 183 346, немесе 3,09 пайыз, Жалпы ұлттық социал-демократиялық партия үшін 269 310, немесе 4,54 пайыз, Қазақстанның Патриоттар партиясы үшін 46 436, немесе 0,78 пайыз, "Ауыл" партиясы үшін 89 855, немесе 1,51 пайыз, "Руханият" партиясы үшін 29 159, немесе 0,37 пайыз, Қазақстанның Халықтық коммунистік партиясы үшін 76 799, немесе 1,29 пайыз сайлаушы дауыс берген.
ОСК қаулысына сәйкес, парламент мәжілісінің депутаты деген 98 мандатты "Нұр Отан" партиясы алмақ.
Б. Мелдешовтың хабарлауынша, сондай-ақ, өз қаулысымен ҚР Орталық сайлау комиссиясы Қазақстан халқы ассамблеясынан сайланған 9 адамды мәжіліс депутаты деп бекітті. Мәжіліс құрамына Мұрат Ахмадиев (ұйғыр), Валерий Виниченко (украин), Егор Капель (неміс), Раиса Полищук (орыс), Леонид Питаленко (белорус), Қайрат Сәдуақасов (қазақ), Рузакул Калмуратов (өзбек), Людмила Хачиева (балкар), Виктор Цой (кәріс).
Сайлаудың ақырғы қорытындысы ресми БАҚ-тар мен Орталық сайлау комиссиясыының сайтында жарияланатын болады.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.