Орталық сайлау комиссиясы парламент сенаты депутаттарының сайлауындағы сайлау бюллетеньдерінің мәтіндерін және бюллетеньдерді бекітті
Орталық сайлау комиссиясы парламент сенаты депутаттарының сайлауындағы сайлау бюллетеньдерінің мәтіндерін және бюллетеньдерді бекітті
Астана. 19 қыркүйек. "Қазақстан Бүгін" - Орталық сайлау комиссиясы парламент сенаты депутаттарының сайлауындағы сайлау бюллетеньдерінің мәтіндерін және бюллетеньдерді облыстық, Астана және Алматы қалалық сайлау комиссияларына жеткізу мерзімдерін белгіледі. Бұл туралы ҚР ОСК төрағасы Қуандық Тұрғанқұлов мәлім етті, деп хабарлайды агенттік тілшісі.
Қ.Тұрғанқұловтың айтуынша, "2008 жылғы 19 қыркүйекте Орталық сайлау комиссиясы өз отырысында "2008 жылғы 4 қазандағы Қазақстан Республикасы парламент сенаты депутаттарының сайлауындағы сайлау бюллетеньдері туралы" қаулы қабылданды".
Бұл қаулымен сайлау бюллетенінің мәтіні бекітілді, сондай-ақ, бюллетеньдерді облыстық, Астана және Алматы қалалық сайлау комиссияларына жеткізу мерзімдері белгіленді.
Жалпы алғанда, сайлау науқаны қалыпты жағдайда және жария, сайлау туралы заң талаптарына сәйкес өтуде.
Сайлау науқанының осы кезеңінде Орталық сайлау комиссиясына сайлау заңнамасы талаптарының бұзылу фактілері жөнінде келіп түскен шағымдар жоқ.
Облыстық, Астана және Алматы қалалық сайлау комиссияларының қазіргі кезеңдегі басты мақаты дауыс беру күнін дайындау болып табылады.
Еліміздің барлық өңірлерінде дерлік таңдаушылардың бірлескен отырыстарының өткізілетін орны мен уақыты анықталған. Дәстүр бойынша отырыстардың басым көпшілігі 4 қазан күнгі таңертеңгі сағат 10-11-де басталады.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.