Орталық сайлау комиссиясы сенаттың 16 депутатын тіркеп, оларға тиісті куәлік пен белгіленген үлгідегі омырауға тағатын белгі тапсырды
Орталық сайлау комиссиясы сенаттың 16 депутатын тіркеп, оларға тиісті куәлік пен белгіленген үлгідегі омырауға тағатын белгі тапсырды
Астана. 9 желтоқсан. "Қазақстан Бүгін" - Орталық сайлау комиссиясы 2008 жылғы 4 қазандағы сайлауда сайланған Қазақстан Республикасы парламенті сенатының16 депутатын тіркеп, оларға тиісті куәлік пен белгіленген үлгідегі омырауға тағатын белгі тапсырды, деп хабарлайды агенттік тілшісі ОСК баспасөз қызметіне сілтеме жасап.
ОСК хатшысы Б.Мелдешевтің айтуынша, "Қазақстан Республикасындағы сайлау туралы" Қазақстан Республикасы Конституциялық заңының 12, 45 баптарына, 46-бабының 2-тармағына және 82-бабының 1-тармағына сәйкес Қазақстан Республикасы Орталық сайлау комиссиясы қаулы шығарды".
Тіркелген Қазақстан Республикасы парламенті сенатының депутаттарына тиісті куәлік пен белгіленген үлгідегі омырауға тағатын белгі тапсырылды.
ОСК қаулысына сәйкес, 2008 жылғы 4 қазандағы сайлауда сайланған Қазақстан Республикасы парламенті сенатының мынадай депутаттары тіркелді :
Ақмола облысынан Жалмағамбетова Светлана Жақияқызы; Ақтөбе облысынан Иміров Иран Имірұлы; Алматы облысынан Сүлейменов Нұрлан Ильясұлы; Атырау облысынан Еңсегенов Сәрсенбай Құрманұлы; Шығыс Қазақстан облысынан Плотников Сергей Викторович; Жамбыл облысынан Савченко Александр Георгиевич; Батыс Қазақстан облысынан Мұқаев Ерболат Рахметұлы; Қарағанды облысынан Кубайчук Юрий Алексеевич; Қызылорда облысынан Баймаханов Қожахмет; Қостанай облысынан Валиев Құсайн Қасенұлы; Маңғыстау облысынан Бортник Михаил Михайлович; Павлодар облысынан Жұмабаев Ермек Жианшаұлы; Солтүстік Қазақстан облысынан Башмаков Анатолий Афанасьевич; Оңтүстік Қазақстан облысынан Рахманбердиев Орынбай; Астана қаласынан Омаров Қайсар Оспанұлы; Алматы қаласынан Төрегелдинов Жұмабек Сүлейменұлы.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.