АСТАНА. 24-шілде. Kazakhstan Today. Шет мемлекеттерден және халықаралық ұйымдардан байқаушыларды аккредитациялау шарасы жалғасуда. Бүгін ОСК ТМД миссиясынан тағы 24 байқаушыны, ТМД Парламентаралық Ассамблеясынан 10 байқаушыны және Малайзия мемлекетінен 4 байқаушыны аккредитациялады.
Қазіргі уақытта шет мемлекеттер мен халықаралық ұйымдардан барлығы 262 байқаушы аккредитацияланған.
ОСК мүшесі Татьяна Охлопкованың хабарлауынша, "шетелдік БАҚ өкілдері халықаралық байқаушыларға берілген барлық құықтарға ие болғанымен, Орталық сайлау комиссиясында аккредитацияланбайды".
"Олардың байқаушылық жасау негізі - ҚР СІМ берген тұрақты немесе уақытша аккредитация. Бүгінгі жағдаймен ОСК республиканың СІМ-іне шетелдік БАҚ-тарға арналған ақпараттары бар 120 папканы жолдады",- деді ол.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Орталық сайлау комиссиясы шет мемлекеттер мен халықаралық ұйымдардан барлығы 262 байқаушыны аккредитациялады
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.