АСТАНА. 16-шілде. Kazakhstan Today. Орталық сайлау комиссиясы жұртшылықты сайлаудың барысына бақылау жасауға шақырады. Бұл туралы бүгін өткен "дөңгелек үстел" барысында Орталық сайлау комиссиясының төрағасы Қуандық Тұрғанқұлов мәлімдеді, деп хабарлайды Kazakhstan Today тілшісі.
"Сайлау процессінің ашықтығы мен жариялылық деңгейін көтеру мүддесіне сәйкес Орталық сайлау комиссиясы Қазақстандағы қоғамдық бірлестіктер мен бұқаралық ақпарат құралдарын сайлауға қатысты үгіт-насихат және басқа да шаралардың барысына қоғамдық бақылау орнатуға шақырады", - деп мәлімдеді Қ. Тұрғанқұлов. "Біз сондай-ақ, саяси және қоғам қайраткерлері, ғылыми және шығармашы зиялы қауымды сайлауды қадағалау барысына белсене араласуға шақырамыз", - деп қосты.
ОСК төрағасының айтуынша, "Қазақстанның сайлау заңнамасы халықаралық стандарттарға сәйкестендірілген". "Алайда, сайлау процессіне қатысушы барша тараптардың заңға бұлжытпай бағынуы еліміздің заңнамасындағы демократиялық әлеуетті толыққанды жүзеге асыруға және сайлауды әділетті, ашық әрі адал өткізуге мүмкіндік береді", - деп санайды ол. "Сайлау барысына, әсіресе саяси партиялар мен мәслихат депутаттығынан үміткерлердің гіт-насихат науқанын қоғам тарапынан қадағалаудың маңызы зор", - деді Қ.Тұрғанқұлов.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Орталық сайлау комиссиясы жұртшылықты сайлаудың барысына бақылау жасауға шақырады
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.