АСТАНА. 3-шілде. Kazakhstan Today. Орталық сайлау комиссиясының жанынан сайлауды ұйымдастырушылардың кәсіби даярлығын арттыру және Қазақстан Республикасының халқын құқықтық оқыту жөніндегі үйлестіру әдістемелік кеңесі құрылды, деп хабарлайды Kazakhstan Today тілшісі.
Бүгін Орталық сайлау комиссиясының отырысында кеңес туралы ереже бекітілді. Кеңес Орталық сайлау комиссиясының жанында тұрақты жұмыс істейтін консультативтік кеңесші орган ретінде құрылды.
Оның басты міндеті сайлау процессіне қатысушылардың құқықтық мәдениетін арттыру жөніндегі жұмысты ұйымдастырудың жалпы тұжырымдамасы мен стратегиясын жасау, осы мәселе бойынша халықаралық тәжірибені зерделеу, құқықтық оқыту саласындағы сайлау комиссияларының, мемлекеттік органдардың, қоғамдық және халықаралық ұйымдардың сындарлы өзара іс-қимылын дамыту болады.
Орталық сайлау комиссиясының басшысы Қуандық Тұрғанқұловтың атап өткеніндей, "бұл жұмысқа ерекше көңіл бөлінуде, өйткені сайлау заңнамасы нормаларының және азаматтардың сайлау құқықтарының іс жүзінде сақталуы мен іске асырылуы сайлау комиссиялары мүшелерінің біліктілігіне және сайлаушылардың құқықтық сауаттылығына байланысты".
Сондай-ақ бүгін комиссия сайлау процесіне қатысушылар мен сайлау комиссияларының мүшелері үшін әзірленген оқу курстарының бағдарламасын бекітті. Бұл курстар сайлау процесіне қатысушыларды тиімді оқытуды неғұрлым қысқа мерзімде ұйымдастыруға көмектесетін болады.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Орталық сайлау комиссиясының жанынан сайлауды ұйымдастырушылардың кәсіби даярлығын арттыру жөніндегі үйлестіру әдістемелік кеңесі құрылды
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.