АСТАНА. 22-желтоқсан. Kazakhstan Today. Республикалық "Отан" саяси партиясы мемлекеттік тілге сұраныс туатын салалардың аясын кеңейтуді қолдайды. Бұл туралы бүгін Республикалық "Отан" саяси партиясының кезектен тыс оныншы сьезінде сөз сөйлеген партия төрағасының міндетін атқарушы Бақытжан Жұмағұлов мәлімдеді, деп хабарлайды Kazakhstan Today тілшісі.
"Барлық партиялық ұйымдар мен партия мүшелері жаппай мемлекеттік тілді білу мен оны насихаттауды өздерінің ең асқақ жауапкершілігі деп түсінуге тиіс",- деді Б.Жұмағұлов.
Оның айтуынша, "жуырда әлеуметтік зерттеулер институты жүргізген зерттеулер қорытындысы орыс тілінде сөйлейтін тұрғындардың қазақ тілін пайдалану мен оны оқып үйренуге дайын екенін растады". "Бірақ оған кедергі келтіріп отырған факторлар да анықталды: тіл саясатының мемлекет тарапынан айқын жоспарланбауы, қазақ тілін шетел немесе екінші тіл ретінде оқытуға қажетті заманауи әдістемелік базаның жоқтығы осындай факторлар",- деді Б.Жұмағұлов.
Ол сонымен бірге "қазақ тілін оқып үйрену және оны таратумен шұғылданатын қазақ тілі институтының күні бүгінге дейін жоқтығын" ерекше атады.
"Отан" партиясы мемлекеттік тілге сұраныс туатын салалардың аясын кеңейтуді қолдайды
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.