АЛМАТЫ. 1-тамыз. Kazakhstan Today. Өзбекстан Ұжымдық қауіпсіздік шарты ұйымының толыққанды мүшесіне айналды, деп мәлімдеді ұйымның бас хатшысы Николай Бордюжа. Бұл туралы Kazakhstan Today тілшісі Ресейдің "Новости" ақпараттық агенттігіне сілтеме жасап хабарлайды.
"Сочи қаласында өткен ЕурАзЭҚ-тың бейресми саммитінде қабылданған шешімдерге сәйкес, Өзбекстан мен Ұжымдық қауіпсіздік шарты ұйымы арасында хаттамаға қол қойылды. Ол бойынша Өзбекстан Республикасы ұйымға мүшелікке өтуге байланысты барлық міндеттемелерді өзіне жүктеп алды",- деді Н.Бордюжа саммитті қорытындылай келе.
"Осы сәттен бастап Өзбекстанның Ұжымдық қауіпсіздік шарты ұйымының толыққанды мүшесіне айналғаны біз үшін маңызды",- деді ұйымның бас хатшысы.
Ол сонымен бірге саммитте Ұжымдық қауіпсіздік шарты ұйымының антитеррорлық әлеуетін арттыру, ахуалдың өзгеруіне жауап қату жүйесін құру, "Ұжымдық қауіпсіздік шарты ұйымының құқық қорғау органдары мен арнаулы қызметтерінің жүйесінде мейлінше тиімді ықпалдастық жүйесін құру" мәселелері талқыланғаынн хабарлады.
Өзбекстан Ұжымдық қауіпсіздік шарты ұйымының толыққанды мүшесіне айналды
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.