Өзбекстанның премьер-министрі қызметінен босатылды
Өзбекстанның премьер-министрі қызметінен босатылды
Ташкент. 21-ақпан. "Қазақстан Бүгін" - Өзбекстан президенті Ислам Кәрімов премьер-министр Шавкат Мырзиевты премьер-министр қызметінен босату туралы жарлыққа қол қойды. Бұл туралы "Қазақстан Бүгін" агенттігінің тілшісіне үкімет аппаратындағы ақпарат көзі хабарлады.
Ақпаратпен таныс адамдар бұрын болжағандай үкіметті бірінші вице-премьер Рустам Азимов басқарады. Ақпараттан құлағдар сенімді көздер берген ақпаратқа сүйенсек, Ш. Мирзиев 22-ақпан күні Ферғана облысының басшысы қызметіне кіріспек. Бұл жөніндегі шешім алдағы жұмада халық депутаттарының облыстық кеңесі кенгашада қабылданатын болады.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.