Пәкістан Шанхай ынтымақтастығы ұйымының толыққанды мүшесі болуға ниет білдіруде
Пәкістан Шанхай ынтымақтастығы ұйымының толыққанды мүшесі болуға ниет білдіруде
Алматы. 2 сәуір. Kazakhstan Today - Пәкістан Шанхай ынтымақтастығы ұйымының толыққанды мүшесі болуға және осы ұйымның іс-қызметіне белсене араласуға ниет білдіруде, деп хабарлайды Kazakhstan Today Thaindian News басылымына сілтеме жасап. Басылым Пәкістан президенті Асиф Али Зардаридің осы жөніндегі сөзін келтірген.
Өзбекстан сыртқы істер министрі Владимир Норовпен әңгіме кезінде президент Зардари 2001 жылы Шанхайда құрылған халықаралық қауіпсіздікті қамтамасыз ету жөніндегі ұйым - Шанхай ынтымақтастығы ұйымына мүше болуға ниеттеніп отырғанын мәлімдеген.
"Пәкістан осы мәселе бойынша Өзбекстан тарапынан қолдау тапқысы келеді", -деді Асиф Али Зардари.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.