Пәкістандағы жарылыстан алты адам қаза тапты
Бүгін Пәкістанның солтүстік-батысындағы Джамруд қаласында болған лаңкестік шабуылдан алты адам қаза тапты.
Астана. 4-сәуір. Kazakhstan Today - Пәкістандағы жарылыстан алты адам қаза тапты, деп хабарлайды Kazakhstan Today агенттігінің тілшісі.
Бүгін Пәкістанның солтүстік-батысындағы Джамруд қаласында болған лаңкестік шабуылдан алты адам қаза тапты.
Тағы жеті адам жарақат алған. Ассошиейтед пресс агенттігінің хабарлауынша, жарылғыш зат көліктің ішіне қойылған екен. Қазір оқиға орнында тергеушілер жұмыс істеп жатыр. Изірге жарылыс үшін жауапкершілікті бірден-бір лаңкестік ұйым өз мойнына алған жоқ. Естеріңізге сала кетсек, ақпан айының соңында Пәкістанның солтүстік-батысындағы ,,әл-каеда,, жасақшылары белсенділік танытатын Бара қаласында бомба жарылысынан екі адам: бір әйел мен баласы қаза тапқан еді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.