Парламент сенатының төрағасы Еуропа Кеңесі Парламенттік Ассамблеясы саяси комитетінің мүшесін қабылдады
Парламент сенатының төрағасы Еуропа Кеңесі Парламенттік Ассамблеясы саяси комитетінің мүшесін қабылдады
Астана. 15 қыркүйек. "Қазақстан Бүгін" - Парламент сенатының төрағасы Қасым-Жомарт Тоқаев Еуропа Кеңесі Парламенттік Ассамблеясы саяси комитетінің Қазақстан жөніндегі баяндамашысы Тадеуш Ивиньскиді қабылдады, деп хабарлайды агенттік тілшісі сенаттың баспасөз қызметіне сілтеме жасап.
Баспасөз қызметінің ақпаратына сәйкес, кездесуде Қазақстанның халықаралық демократиялық институттарға, оның ішінде Еуропа Кеңесі Парламенттік Ассамблеясына бұдан былайғы ықпалдастығына байланысты ауқымды мәселелер талқыланды.
Біздің елімізде демократиялық үдерістерді одан әрі ілгерілету саласында парламентаралық институттардың өзара іс-қимыл мәселелеріне тоқтала келіп Қ.Тоқаев Қазақстан парламентінің ЕКПА жанында байқаушы мәртебесін алу жөніндегі Қазақстан өтінішін жүзеге асыруға бағытталған Саяси комитеттің арнайы тыңдауының оң қорытындысын атап өтті.
Демократия, заңның үстемдік етуі, адам құқы мен бостандығын құрметтеу секілді іргелі құндылықтарға сәйкес демократиялық жаңаруларды дамытуда беделді парламенттік арнаны пайдалану мүмкіндігі президент Н.Назарбаев бекіткен "Еуропаға апарар жол" мемлекеттік бағдарламасы бағыттарымен толықтырылатын болады.
"Біз өзара тиімді тығыз іс-қимыл мен ЕКПА, ЕҚЫҰ Парламенттік Ассамблеясы мен Еуропалық парламент желілері бойынша біздің жан-жақты үнқатысуымыздың аясындағы бағдарламаларымыз табысты жүзеге асырылады деп сенеміз" деп атап өтті Қ.Тоқаев.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.