Парламенттік дипломатия адамзаттың қазіргі проблемаларын шешуде жағымды роль атқара алады және солай болуға тиіс - Мәжіліс спикері
Парламенттік дипломатия адамзаттың қазіргі проблемаларын шешуде жағымды роль атқара алады және солай болуға тиіс - Мәжіліс спикері
Астана. 30 маусым. "Қазақстан Бүгін" - Парламенттік дипломатия адамзаттың қазіргі проблемаларын шешуде жағымды роль атқара алады және солай болуға тиіс. Жексенбі күні ЕҚЫҰ Парламенттік ассамблеясының 17-сессиясының пленарлық отырысының ашылуы барысында ҚР парламенті мәжілісінің төрағасы Аслан Мусин осындай ой айтты, деп хабарлайды "Қазақстан Бүгін" агенттігінің тілшісі.
"Қазір бізге нақты салалар бойынша диалогты дамыту әдістері бойынша ойлау қажет... Қазіргі қатерлердің жаһанданғаны соншалықты, ел үкіметтерінің оған жекелеп қарсы тұруы мүмкін болмай қалды. Сол себепті де мұндай парламенттік ынтымақтастық біз үшін аса маңызды", - деді А. Мусин.
"Мұндай жағдайда, парламенттік дипломатия адамзаттың қазіргі проблемаларын шешуде өзінің позитивті рөлін атқара алады және солай істеуі керек", - деп атап көрсетті ол. "Осы сессияның біздің елімізде өтіп отырғанының өзі еркін әлемнің шегін кеңейту бойынша ЕҚЫҰ саясатының ашықтығы мен бірізділігінің дәлелі", - деп атап көрсетті ҚР парламентінің төменгі палатасының спикері.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.