Пекинде Шанхай ынтымақтастық ұйымына мүше мемлекеттердің сыртқы экономика мен сыртқы сауда мәселелері талқыланады
Пекинде Шанхай ынтымақтастық ұйымына мүше мемлекеттердің сыртқы экономика мен сыртқы сауда мәселелері талқыланады
Астана. 3 маусым. "Қазақстан Бүгін" - Пекинде 3-5 маусымда Шанхай ынтымақтастық ұйымына мүше мемлекеттердің сыртқы экономика мен сыртқы сауда үшін жауапты жоғары лауазымды тұлғалар комиссиясының кезекті отырысы өтеді. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаев құлағдар етті,- деп хабарлайды Қазақстан Бүгін тілшісі.
Отырыс барысында ШЫҰ мемлекет басшылары мен үкімет басшыларының өткен жылғы отырыстарында қол жеткізген келісімдерді жүзеге асыру мәселелерін талқылау жоспарланған.
Сонымен қатар, ШЫҰ кәсіби кеңесі мен банкаралық бірлестігінің қызметі туралы және ШЫҰ мүше-мемлекеттерінің сыртқы экономика мен сыртқы сауда үшін жауапты министрлерінің отырысын дайындау туралы мәселелері де комиссия күн тәртібіне енгізілген.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.