АСТАНА. 29-наурыз. Kazakhstan Today. Польша президенті Лех Качиньскийдің Қазақстанға ресми сапары аясында бірқатар екіжақты келісімдерге қол қойылды,деп хабарлайды Kazakhstan Today агенттігінің тілшісі.
Атап айтқанда, бүгін Астанада мемлекет басшысының резиденциясында Қазақстан Республикасы мен Польша Республикасы азаматтарының өзара визасыз жүруі, дипломатиялық паспорттардың иелері туралы үкіметаралық келісімдерге, сонымен қатар қорғаныс өнеркәсібі саласы мен туризм саласындағы ынтымақтастық туралы келісімдерге қол қою салтанаты өтті.
Сонымен қатар, Қазақстан Республикасының Ұлттық банкі мен Польша ұлттық банкінің арасындағы ынтымақтастық туралы келісім шартқа қол қойылды.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Польша президентінің Қазақстанға сапары аясында бірқатар екіжақты келісімдерге қол қойылды
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.