Премьер-министр Кәрім Мәсімов Беларусь Республикасына жұмыс сапарымен барады
Премьер-министр Кәрім Мәсімов Беларусь Республикасына жұмыс сапарымен барады
Астана. 17 мамыр. Kazakhstan Today - Премьер-министр Кәрім Мәсімов 19 және 20 мамырда Беларусь Республикасына жұмыс сапарымен барады. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Асқар Ибдірахманов құлағдар етті,- деп хабарлайды Kazakhstan Today.
Сапар барысында екі мемлекеттің үкімет басшылары арасында шағын құрамдағы келіссөздер өткізу жоспарланған.
Сондай-ақ, Кәрім Мәсімов екіжақты іскерлік форумға қатысады. Оның шеңберінде сауда, энергетика, машина жасау, агроөндіріс, ғарыш және гуманитарлы ынтымақтастық салаларындағы беларус тарабы ұсынған және Қазақстанның индустриаландыру картасына енгізілген бірқатар бизнес жобалар талқылануы тиіс. Іскерлік форумға 130-дан астам қазақстандық кәсіпкер қатысады деп күтілуде.
Ал 21 мамырда премьер-министр Кәрім Мәсімов Санкт-Петербург қаласында өтетін ТМД үкімет басшылары кеңесінің кезекті отырысына қатысады.
Күн тәртібіндегі 19 мәселенің арасында Энергетика саласындағы ынтымақтастық концепциясын жүзеге асыру бойынша аса өзекті іс-шаралар жоспары, 2012 жылғы кезеңге дейінгі Мемлекетаралық радионавигациялық бағдарлама, Тәуелсіз Мемлекеттер Достастығының 20-жылдығына арналған іс-шаралар жоспары және т.б бар.
Ұлттық нарықтарға тауар мен қызметті өзара ұсынуды көздейтін ақпараттық-маркетинг орталықтардың мемлекетаралық желісін құру туралы Келісім, Ортақ электроэнергетикалық нарықты қалыптастырудың кезеңдері туралы Хаттамаға қол қою жоспарланып отыр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.