АСТАНА. 16-мамыр. Kazakhstan Today. Президент Нұрсұлтан Назарбаев Конституциядан қоғамдық бірлестіктерді мемлекеттен қаржыландыруға тыйым салатын норманы алып тастауды ұсынады, деп хабарлайды Kazakhstan Today агенттігі.
Бүгін парламент палаталарының бірлескен отырысында Конституциға енгізілетін өзгерістерді таныстырған мемлекет басшысы: "қоғамдық бірлестіктерді мемлекеттен қаржыландыруға тыйым салатын нормадан бас тарту ұсынылып отыр",- деді. "Бұл тыйым іс жүзінде мемлекетіміздің бұрынғы бір партиялы жүйеге қатысты көзқарасын білдірді және ол болашақта тоталитарлық билікке жол бермеуге бағытталды",- деді президент.
"Сол себепті қазір саяси партиялардың іс-қызметін жартылай республикалық бюджеттен қаржыландыруға бағытталған тәжірибелік тетіктерді ойластырған орынды",- деді Н.Назарбаев.
Сонымен бірге, мемлекет басшысының пікірінше, "саяси мақсат-мұраттарды шешуде басты құралға айналатын партиялық фракциялардың ролін көтеруге құқықтық негіз қалау қажет". "Болашақ үкімет басшысының кандидатурасы дәл осы фракциялардың отырыстарында талқыланатын болады. Депутаттардың қалай дауыс беретіндігін фракциялар айқындайды",- деді ол.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Президент Конституциядан қоғамдық бірлестіктерді мемлекеттен қаржыландыруға тыйым салатын норманы алып тастауды ұсынады
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.