АСТАНА. 16-мамыр. Kazakhstan Today. Бүгін парламент палаталарының бірлескен отырысында мемлекет басшысы Нұрсұлтан Назарбаев Конституцияға енгізілетін түзетулерді қабылдау тәртіптерін өзгертуді ұсынды, деп хабарлайды Kazakhstan Today тілшісі.
"Конституцияның тұрақтылығы мен мызғымастығын қамтамасыз ету үшін Конституцияға енгізілетін түзетулерді қабылдау тәртіптерін күрделілендіру ұсынылып отыр",- деді президент. Оның түсіндіруінше, "қазір Конституцияға енгізілетін түзетулерді референдумда қабылдау үшін дауыс берген азаматтардың жартысынан астамы ол үшін дауыс беруі қажет".
"Ендігі жерде тәртіпті өзгерту арқылы шешім қабылдау үшін облыстар мен республикалық маңызы бар қаладардағы тұрғындардың үштен екі бөлігінен астамы басым дауыс беруі қажеттігін белгілеу ұсынылып отыр",- деді ол.
"Кейінгі бірнеше жыл бойы ауқымды жұмыстардың атқарылуын және оларға депуттардың түгелдей дерлік қатысқанын, сондай-ақ, мен ұсынған заң жобасында мемлекеттік комиссияның ұсыныстарының 80 проценті қамтылғанын ескере отырып, "Қазақстан Республикасының конституциясына өзгерістер мен толықтырулар енгізу туралы" заң жобасыносы аптаның ішінде қарауға негіз бар деп санаймын",- деді президент. "Конституцияға енгізілетін түзетулер қабылданғаннан кейін мен конституциялық нормаларды жүзеге асыруға бағытталған конституциялық заңдардың жобаларын сіздердің қарауларыңызға ұсынатын боламын",- деп қосты ол.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Президент Конституцияға енгізілетін түзетулерді қабылдау тәртіптерін өзгертуді ұсынады
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.