Президенттік лауазымына күресті төрт үміткер жалғастыратын болады
Астана. 3 - наурыз. Kazakhstan Today - ҚР ОСК наурыздың 2-нен 3-не қараған түні өткен кезекті отырысында ОСК төрағасы Қуандық Тұрғанқұлов, ҚР президенттік лауазымына күресті төрт үміткер жалғастыратындығын және де олар үшін сайлау алды науқанның жаңа кезеңінің басталғандығын мәлім етті, деп хабарлайды Kazakhstan Today агенттігінің тілшісі.
BNews.kz. агенттігінің хабарлауынша, олар - "Нұр Отан" халықтық демократиялық партиясы ұсынған қазіргі Мемлекет басшысы Нұрсұлтан Назарбаев пен Қазақстанның коммунистік халықтық партиясының хатшысы Жамбыл Ахметбеков және Қазақстанның Патриоттар партиясы ұсынған Ғани Қасымов пен "Табиғат" экологиялық одағының төрағасы Мелс Елеусізов.
Бүгіннен бастап Президенттікке үміткерлер өздерінің сайлауалды үгіт-насихат жұмыстарын бастайды.
Орталық сайлау комиссиясы бейсенбіге қараған түні болған бас қосуында, үміткерлікке өзін-өзі ұсынушылар Сәлім Өтен, Гүлдана Тоқбаева, Серік Сапарғали, Жақсыбая Бәзілбаевты үміткерлікке тіркеуден бас тартты. "Қажетті құжаттарды алып келмеуіне байланысты тіркеуден алып тасталсын", - деп мәлім етті ОСК хатшысы Бахыт Мелдешев.
Оның айтуынша, "Желтоқсан" қозғалысының белсендісі Құрманғазы Рахметов Қазақстан президенттігі лауазымына үміткерлігінен өздігінен бас тартқан болатын.
Естеріңізге сала кетсекк, сайлау алдындағы үгіт-насихат жұмыстары 1 сәуірге дейін жалғасады. Сондай-ақ, кезектен тыс ҚР президент сайлауы 3 сәуірде өтеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.