Путин Медведевтің неге РФ президенттігіне атын ұсынбағандығын түсіндірді
Премьер-министр, РФ президенттігіне үміткер Владимир Путин өзінің кандидатурасын елдің басты лауазымы президенттікке ұсынып отыр. Неге қазіргі президент Дмитрий Медведев өз кандидатурасын ұсынбады деген сауалға Путин "неге десеңіз, менің рейтингім қазіргі президенттен жоғары тұр" деп жауап берді.
Мәскеу. 2-наурыз. Kazakhstan Today - Путин Медведевтің неге РФ президенттігіне атын ұсынбағандығын түсіндірді, деп хабарлайды Kazakhstan Today агенттігінің тілшісі.
BNews.kz ақпараттық агенттігінің хабарлауынша, премьер-министр, РФ президенттігіне үміткер Владимир Путин өзінің кандидатурасын елдің басты лауазымы президенттікке ұсынып отыр. Неге қазіргі президент Дмитрий Медведев өз кандидатурасын ұсынбады деген сауалға Путин "неге десеңіз, менің рейтингім қазіргі президенттен жоғары тұр" деп жауап берді. Бұл туралы ол шетелдік БАҚ бас редакторларымен болған кездесуі барысында мәлім етті.
"Белгілі болғанындай, төрт жыл бойы сіздерді құрметтеуші алдарыңызда отырған адамның рейтингісі Д.Медведевке қарағанда бірнеше есе жоғары болды. Біз бір партияның өкілі болғандықтан, мұндай жағдайда ынтымақтаса іс істеуміз қажет. Артық күш жұмсап, бірімізбен біріміз бәсекелескенше, жоғары лауазымға кімнің мүмкіндігі зор деген мәселені салиқалы да салмақты ой таразысына салып, нақты шешімге келдік. Ресей Федерациясының азаматтары кімге көпірек сенім білдіреді. Жеңіске деген кімнің үміті үлкен. Елді дамытуға, қалыптасқан оң бағытты одан әрі қарқынды жалғастыруға кім мүмкіндігі зор осыған байланысты шешім қабылданды", - деген Путиннің сөзін РБК келтіреді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.