МИСКЕУ. 15-маусым. Kazakhstan Today. РФ президенті Владимир Путин "Ресей Федерациясы мен Қазақстан Республикасының арасындағы 1995 жылдың 20-қаңтарындағы Ресей Федерациясының Қорғаныс министрлігінің 4-ші Мемлекеттік орталық полигонын (Қазақстан Республикасының аумағында орналасқан нысандар мен әскери алаңдар) пайдалану тәртібі туралы келісімге өзгертулер мен толықтырулар енгізу жөніндегі хаттаманы бекіту туралы" Федералдық заңға қол қойды деп хабарлайды Kazakhstan Today тілшісі РФ президентінің баспасөз қызметінің хабарламасына сілтеме жасай отырып.
Көрсетілген хаттамамен келісімге аталмыш полигонда жұмыс істеу және сынақ жүргізудің жаңа шарттарына, жер телімдерін онда орналасқан жылжитын және жылжымайтын мүліктерімен жалға беру және оларды падаланғаны үшін төлем ретіне қатысты, сонымен қатар жер телімдерінің жаңа координаттары мен Қазақстан Республикасынан жалға алып отырған нысандар мен мүліктердің жаңа тізіміне қатысты өзгерулер енгізіледі.
Аталмыш хаттаманың ережелерінде 4-ші Мемлекеттік орталық полигонды оған 10-шы және 11-ші Мемлекеттік сынақ полигондарын (Қазақстан Республикасының Сары-Шаған полигоны аумағында орналасқан әскери алаңдар) оның құрылымдық бөлімшелері ретінде қосу жолымен 4-ші Мемлекеттік орталық полигон ретінде қайта құру ескеріледі.
Хаттамамен қару-жарақ пен әскери техникалардың жаңа үлгілеріне сынақ жүргізу барысында 4-ші Мемлекеттік орталық полигонының жер телімдері мен ауа кеңістігін Қазақстан Республикасының аумағында орналасқан Ресей Федерациясы Қорғаныс министрлігінің 929-шы Мемлекеттік ұшу-сынақ мүддесіне пайдалану қарастырылады.
Сондай-ақ, хаттама ережелерімен 4-ші Мемлекеттік орталық түраралық полигонының мәртебесін анықтау тәртібі нақтыланады.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Путин Ресей мен Қазақстанның арасындағы Мемлекеттік орталық полигонды пайдалану шарттары туралы келісімге енгізілетін өзгертулерді бекітті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.