Ресей ЕҚЫҰ-ына Қазақстанның төрағалық жасауы табысты әрі жемісті болады дегенге сенімді
Ресей ЕҚЫҰ-ына Қазақстанның төрағалық жасауы табысты әрі жемісті болады дегенге сенімді
Астана. 16 қазан. "Қазақстан Бүгін" - Ресей ЕҚЫҰ-ына Қазақстанның төрағалық жасауы табысты әрі жемісті болады дегенге сенімді. Бұл туралы бүгін Қазақстан сыртқы істер министрі Марат Тәжинмен кездесуден кейін өткен брифингте РФ сыртқы істер министрі Сергей Лавров мәлімдеді, деп хабарлайды агенттік тілшісі.
"Біз Қазақстанға алдағы ЕҚЫҰ-ына төрағалық жасауы аясында жан-жақты қолдау көрсететіндігімізді растаймыз. Біздің арамызда жақын консультациялар өткізілуде. Біз ЕҚЫҰ-ына Қазақстанның төрағалық жасауы табысты әрі жемісті болады дегенге сенімдіміз ", - деді С. Лавров.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.