АСТАНА. 13-қазан. Kazakhstan Today. ҚР Сыртқы істер министрі Қасымжомарт Тоқаев еліміздегі дипломатиялық миссиясының аяқталуына байланысты бүгін Ресей Федерациясының Қазақстандағы төтенше және өкілетті елшісі Владимир Бабичевты қабылдады, деп хабарлайды Kazakhstan Today тілшісі.
"Мен бүгін ел басшылығымен осындағы іссапарым аяқталып, отаныма оралуға байланысты кездестім. Себеп тым көңілді емес",- деді елші.
В. Бабичев 2003 жылдың шілдесінен бері Қазақстанда елшілік қызметте болды.
Кездесуден кейін соңғы жылдарда Қазақстан мен Ресей арасындағы қарым-қатынастың сапалы жаңа деңгейге көтерілгенін айтқан Елші, бұл ең алдымен сенімді және жолдастық байланыс орната білген екі ел президенттерінің еңбегі екенін атап өтті.
В. Бабичев қазіргі таңда Қазақстан мен Ресей арасында мемлекетаралық, үкіметаралық, ведомствоаралық деңгейде 300-ге жуық келісімдер мен шарттарға қол қойылғанын, соның негізінде екі жақты ынтымақтастық дамып отырғанын атап көрсетті. "Қарым-қатынастарымыздың алға жылжуына сөз жоқ біздің шекара бойындағы аумақтарымыз зор ықпал етуде. Мемлекеттердің қатысуынсыз аудандар мен аудандар, облыстар мен облыстар арасында бүгіндері тікелей 69 келісім-шарт жасалынды", - деді елші.
Оның сөзіне қарағанда, 2002 жылы екі ел арасындағы сауда айналымы 4 миллиард долларды құраса, бұл көрсеткіш жыл сайын 2 миллиард долларға өсіп отырған. Биыл сауда айналымы 12 миллиард долларға жететін болады.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Ресей елшісі Владимир Бабичевтің еліміздегі дипломатиялық миссиясы аяқталды
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.