Ресей Федерациясының Федералдық антимонополиялық қызметінің жетекшісі ТМД елдері арасындағы авиациялық тасымал билеттерінің бағасын "ессіз шарықтаған баға" деп санайды
Ресей Федерациясының Федералдық антимонополиялық қызметінің жетекшісі ТМД елдері арасындағы авиациялық тасымал билеттерінің бағасын "ессіз шарықтаған баға" деп санайды
Астана. 1 қазан. "Қазақстан Бүгін" - Ресей Федерациясының Федералдық антимонополиялық қызметінің жетекшісі Игорь Артемьев бүгін журналистерге берген сұхбатында ТМД елдері арасындағы авиациялық тасымал билеттерінің бағасын "ессіз шарықтаған баға" деп сипаттады, деп хабарлайды агенттік тілшісі.
"Бүгінде ТМД кеңістігінде бірлескен тексерулер жүргізетін штаб жұмыс істеп жатыр, оның ТМД елдері арасындағы авиациялық тасымал саласындағы бәсекелестік ахуалы туралы бірінші баяндамасы тыңдалады, онда біз авиакеросин бағасы мен ТМД шеңберіндегі жолаушылар тасымалының әсіре шарықтап кеткен билет бағасын зерттедік. Ол ТМД Экономикалық кеңесінде қаралды",- деді
"Бұл баяндама 14 қарашада үкімет басшыларының Молдовада өтетін отырысында қаралатын болады", деді И.Артемьев.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.