Ресей Федерациясының президенті Қазақстан Елбасын келе жатқан Жаңа жылмен құттықтады
Ресей Федерациясының президенті Қазақстан Елбасын келе жатқан Жаңа жылмен құттықтады
Алматы. 30 желтоқсан. Kazakhstan Today - Ресей Федерациясының президенті Дмитрий Медведев Қазақстан басшысы Нұрсұлтан Назарбаевты келе жатқан Жаңа жылмен құттықтады, деп хабарлайды Kazakhstan Today РФ президентінің ресми сайтындағы құттықтау мәтініне сілтеме жасап.
Елбасы Нұрсұлтан Назарбаевқа жолдауында Дмитрий Медведев ресей-қазақстан қатынастары негізінде - "тарихи ортақтық, стратегиялық әріптестік, достық, тату көршілік пен өзара құрмет" жатқанына терең сенім білдірді.
"Біздің елдеріміз арасындағы ұдайы және сенімге негізделген байланыстарымыз, көпқырлы және өзара тиімді ынтымақтастық бұдан былай да Ресей мен Қазақстан халықтарының мүддесі үшін нығая түсетін болады. Бұл орайда Ресей, Қазақстан және Беларусь Кеден одағы ауқымындағы бірлескен белсенді жұмыстың басталуына айрықша үміт артамыз. Халықаралық сахнада, соның ішінде Сіздің елдің алдағы ЕҚЫҰ-ға төрағалығы ауқымында күш-жігерімізді алдағы уақытта да тығыз үйлестіріп отыруға дайынбыз", - делінген құттықтауда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.