Ресей, Қазақстан мен Беларусьтің Кедендік одағы 2010 жылдың ортасына таман жұмыс істей бастауға тиіс - РБК
Ресей, Қазақстан мен Беларусьтің Кедендік одағы 2010 жылдың ортасына таман жұмыс істей бастауға тиіс - РБК
Алматы. 14 сәуір. "Қазақстан Бүгін" - Ресей, Қазақстан мен Беларусьтің Кедендік одағы 2010 жылдың ортасына таман жұмыс істей бастауға тиіс. Бұл туралы бүгін Мәскеуде Еуразиялық экономикалық қоғамдастықтың "Инвестициялар, жаңашылдықтар, интеграция" атты бизнес-форумы барысында Ресейдің Өнеркәсіпшілері мен кәсіпкерлері одағының президенті Александр Шохин мәлімдеді, деп хабарлайды "Қазақстан Бүгін" агенттігінің тілшісі РБК агенттігіне сілтеме жасап.
"Ресей, Қазақстан мен Беларусьтің Кедендік одағы 2010 жылдың ортасына таман жұмыс істей бастауға тиіс. Бұл жолы оны құруға жай ғана кезекті әрекет жасалмауға тиіс", - деді А. Шохин. Оның айтуынша, бұл жерде одақ елдерінің Дүниежүзілік сауда ұйымына қарай ұмтылуы мен одақты құру арасындағы арақатынас жөніндегі жаңа сауал туындайды. "Ең таңдаулы нәтиже - Дүниежүзілік сауда ұйымына мүшелікке өту және ДСҰ құқығының базасында Кедендік одақты құру болар еді. Дүниежүзілік сауда ұйымына мүшелікке өту жөніндегі саяси шешім 2009 жылдың ортасында қабылдануға тиіс. Ал техникалық шешімдер жылдың аяғына дейін жүзеге асырылуға тиіс. Олай болмаған күнде Кедендік одақ оған мүше елдер Дүниежүзілік сауда ұйымына мүшелікке өтпей тұрып құрылады", -деді А.Шохин.
Ақпаратты пайдаланған жағдайда "Казахстан Сегодня" ақпараттық агенттігіне гиперсілтеме жасау міндетті. «Қазақстан Бүгін» Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.