Ресей мен Қазақстан азаматтары екі елдің аумағында 30 күн бойы тіркеусіз жүре алады
РФ Президенті В. Путиннің 2012 жылғы 7 маусымда елімізге ресми сапары барысында маңызды құжаттардың бірі - Қазақстан Республикасы азаматтарының Ресей Федерациясының аумағында және Ресей Федерациясы азаматтарының Қазақстан Республикасының аумағында болу тәртібі туралы келісімге қол қойылған болатын.
Астана. 13-маусым. Kazakhstan Today - Ресей мен Қазақстан азаматтары екі елдің аумағында 30 күн бойы тіркеусіз жүре алады, деп хабарлайды Kazakhstan Today агенттігінің тілшісі.
РФ Президенті В. Путиннің 2012 жылғы 7 маусымда елімізге ресми сапары барысында маңызды құжаттардың бірі - Қазақстан Республикасы азаматтарының Ресей Федерациясының аумағында және Ресей Федерациясы азаматтарының Қазақстан Республикасының аумағында болу тәртібі туралы келісімге қол қойылған болатын.
Аталмыш Келісімге сәйкес екі елдің аумағында уақытша болатын Қазақстан мен Ресей азаматтары келетін тараптың құзыретті органдарында 30 күнге тіркеу (болатын орны бойынша есепке қоюдан) міндетінен босатылады, деп хабарлайды ҚР Сыртқы істер министрлігінің ресми өкілі Алтай Ибибуллаев.
Осы Келісім қол қойылған күннен бастап уақытша қолданысқа енгізілді және тараптардың ратификациялық рәсімдерді орындағаны туралы дипломатиялық арналар бойынша соңғы хабарламаны алған күннен бастап күшіне енеді.
Аталған Келісімнің әзірлеушісі және оны одан әрі жүзеге асыратын жауапты орган ҚР Ішкі істер министрлігі болуына орай, Келісімнің күшіне ену және ережелерін іс жүзінде қолдану сауалдары бойынша осы ведомоствоға хабарласуға болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.