Ресей президентінің алдағы Қазақстанға сапарына дайындық мәселелерін Мәскеуде екі елдің сыртқы істер министрлері талқылайды
Астана. 4 мамыр. "Қазақстан Бүгін" - Қазақстан сыртқы істер министрі Марат Тәжин 5 мамырда жұмыс сапарымен Ресейге барады. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаев құлағдар етті,- деп хабарлайды Қазақстан Бүгін тілшісі.
"Сапар барысында Ресей Федерациясының жаңадан сайланған президенті Дмитрий Медведевтің Қазақстан Республикасына сапарына қатысты мәселелер талқыланады", - деді Е. Ашықбаев.
Сонымен бірге, сыртқы саясат мекемелерінің басшылары Қазақстан мен Ресейдің екі жақты ынтымақтастығын одан әрі дамыту перспективалары мен ағымдағы жағдайы, соның ішінде 2007-2008 жылдарға арналған бірлескен іс-шаралар жоспарының жүзеге асырылуы жайлы талқылайды. Онда екі жақты ынтымақтастықтың нақты бағыттары, оларды жүзеге асыру мерзімі, екі елдің БҰҰ, ЕҚЫҰ, ШЫҰ, ТМД, ЕурАзЭҚ, ҰҚШҰ, Азиядағы өзара ықпалдастық және сенім шаралары жөніндегі кеңес және басқа да халықаралық ұйымдар мен форумдар шеңберіндегі ынтымақтастығы жайлы талқылайды.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.