Ресей СІМ Қазақстанның 2009 жылы ЕҚЫҰ-ына төрағалық жасау жөніндегі өтінішін қолдайды
Ресей СІМ Қазақстанның 2009 жылы ЕҚЫҰ-ына төрағалық жасау жөніндегі өтінішін қолдайды
Мадрид. 30 қараша. "Қазақстан Бүгін" - Ресей СІМ Қазақстанның 2009 жылы ЕҚЫҰ-ына төрағалық жасау жөніндегі өтініші оңды шешімін табады деген үмітте. Бұл туралы ол Мадридте өтіп жатқан Еуропадағы қауіпсіздік және ынтымақтастық ұйымына мүше елдердің сыртқы істер министрлері кеңесінің отырысында жасаған баяндамасында мәлімдеді, деп хабарлайды агенттік.
"Қисынды пікір жеңіске жетіп, бүгін біз Қазақстанды Еуропадағы қауіпсіздік және ынтымақтастық ұйымының төрағасы етіп бекітеміз деп сенеміз", -деп мәлімдеді С. Лавров Мадридте өтіп жатқан Еуропадағы қауіпсіздік және ынтымақтастық ұйымына мүше елдердің сыртқы істер министрлері кеңесінің отырысында.
С. Лавровтың пікірінше, Еуропадағы қауіпсіздік және ынтымақтастық ұйымына мүше бірқатар елдер Қазақстанға қатысты екіжүзділік саясатты ұстануға талпынуда.
"Біздің алаңдаушылығымызды тудырып отырған кейбір мәселелерле тоқтала кетейін. Біріншіден, бұл Еуропадағы қауіпсіздік және ынтымақтастық ұйымына мүше елдердің теңдік принципін бұзуға жасалған талпыныстар. Қазақстанның Еуропадағы қауіпсіздік және ынтымақтастық ұйымына 2009 жылы төраға болу жөніндегі өтінішіне қатысты танымал елдер тобының көзқарасынан бұл жайт әсіресе айқын көрініс берді және беріп те отыр. Ал Қазақстанның төрағалығын ТМД-ға мүше барлық елдер қолдап отыр, бұл дегеніңіз ЕҚЫҰ мүшелерінің бестен бір бөлігі", - деді Ресей СІМ.
"Біздің қазақстандық әріптестерімізді өздерінің жарамдылығын қосымша тағы бір мәрте дәлелдеуге мәжбүрлеу талпынысы жасалды. Мұндай екіжүзділік саясатқа жол беруге болмайды", - деді С. Лавров.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.