АСТАНА. 30-наурыз. Kazakhstan Today. Ресей үкімет басшысы Михаил Фрадковтың Қазақстанға екі күндік сапары аясында үш құжатқа қол қою рәсімі өтті, деп хабарлайды Kazakhstan Today тілшісі республика Елордасынан.
Атап айтсақ, Қазақстан Республикасы үкіметі РФ үкіметі арасындағы 2002-жылдың 7-маусымындағы мұнай транзиті туралы келісімге өзгерістер мен толықтырулар енгізу жөніндегі хаттамаға қол қойылды.
Қазақстан жағынан бұл құжатқа энергетика және минералды ресурстар министрі Бақтықожа Ізмұхамбетов, Ресей жағынан - өнеркәсіп және энергетика министрінің орынбасары Андрей Реус қол қойды.
Сонымен бірге "Қазақстан даму банкі" АҚ мен Ресейдің Внешэкономбанкі арасындағы ынтымақтастық жөніндегі келісімге қол қойылды. Бұл құжатқа Қазақстан даму банкінің президенті Асқар Сенбин мен Внешэкономбанк төрағасы Владимир Дмитриев қол қойды.
Сонымен қатар Еуразиялық даму банкі мен Внешэкономбанк арасындағы ынтымақтастық жөніндегі меморандумға қол қойылды. Құжатқа Еуразиялық даму банкі басқармаларының төрағасы Игорь Финогенов пен Внешэкономбанк төрағасы В.Дмитриев қол қойды.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Ресей үкімет басшысының Қазақстанға сапары аясында бірқатар құжаттарға қол қойылды
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.