АЛМАТЫ. 16-тамыз. Kazakhstan Today. Ресей Украинаға ЕурАзЭҚ пен Кедендік одаққа толық бірігу мүмкіндігі туралы ойластыруды ұсынады. Бүгін Ресей үкімет басшысы Михаил Фрадков Украина үкімет басшысы Виктор Януковичпен бірлесе өткізген баспасөз мәслихатында журналистерге осындай мәлімдеме жасады, деп хабарлайды Kazakhstan Today тілшісі Регнум ақпараттық агенттігіне сілтеме жасап.
М.Фрадков Ресейдің бұрынғы Кеңестік кеңістіктегі интеграциялық құбылыстарды дамытудан және бұл процестерге Украинаның да атсалысуынан мүдделі екенін жеткізді. Дегенмен ол осы орайда былай деп атап өтті: "Ресей жағы ол үшін Украинаның ойлануы қажет екенін түсінеді. Сол себепті біз Украиналық әріптестерімізді асықтырмаймыз".
"Виктор Януковичпен Сочидегі кездесуіміз ЕурАзЭҚ саммитінің аясында өткізілді. Бұл Украинаның бұрынғы Кеңестік кеңістіктегі интеграциялық құбылыстардан мүдделі екенін дәлелдейді",- деді М.Фрадков.
Қазіргі таңда ЕурАзЭҚ-қа біріккен елдердің санатында Ресей, Қазақстан, Беларусь, Қырғызстан, Тәжікстан және Өзбекстан бар. 2002-жылдың мамыр айынан бері Украина осы қоғамдастықтағы бақылаушы мәртебесіне ие.
Ресей Украинаға ЕурАзЭҚ-қа толық бірігу мүмкіндігі туралы ойластыруды ұсынады
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.