Ресей және Қазақстан әуе қорғанысының біртұтас жүйесін құра алады
Ресей және Қазақстанның әуе қорғанысының біртұтас жүйесін құру келешегін сейсенбіде Ресей қорғаныс министрі Анатолий Сердюков және оның қазақстандық әріптесі Иділбек Жақсыбеков талқылады, деп хабарлады "Интерфакс" ақпараттық агенттігіне ресейлік министрдің баспасөз хатшысы подполковник Ирина Ковальчук.
Астана. 10-қазан. Kazakhstan Today - Ресей және Қазақстан әуе қорғанысының біртұтас жүйесін құра алады, деп хабарлайды Kazakhstan Today агенттігінің тілшісі.
Ресей және Қазақстанның әуе қорғанысының біртұтас жүйесін құру келешегін сейсенбіде Ресей қорғаныс министрі Анатолий Сердюков және оның қазақстандық әріптесі Иділбек Жақсыбеков талқылады, деп хабарлады "Интерфакс" ақпараттық агенттігіне ресейлік министрдің баспасөз хатшысы подполковник Ирина Ковальчук.
"Жылдың соңына дейін бұл келісімнің жобасы бойынша ішкі мемлекеттік келісу процедураларын аяқтап, қол қоюға дайындау жоспарлануда", деді ол.
Сонымен қатар, оның айтуынша, әскери ведомстволардың жетекшілері Ресей және Қазақстанның әскери-техникалық өз ара ықпалдастығын дамыту келешегін сөз етті және тікұшақ техникасын жөндеу саласында ынтымақтасу мәселелерін қарауға келісті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.