Ресейдің ОСК алдын ала мәліметтері бойынша президент сайлауында Владимир Путин көш бастап келеді
Астана. 5-наурыз. Kazakhstan Today - Ресейдің ОСК алдын ала мәліметтері бойынша президент сайлауында Владимир Путин көш бастап келеді, деп хабарлайды Kazakhstan Today агенттігінің тілшісі.
Ресей орталық сайлау комиссиясы ел президентін сайлаудағы берілген дауыстардың 97,47 пайызын санап үлгерген, деп хабарлайды Хабар агенттігі.
Соңғы мәліметтер бойынша, Владимир Путин 64,06 пайыз дауыс жинап, сайлаудың бірінші кезеңінде-ақ жеңіске жеткен. Екінші орындағы Ресей коммунисттік партиясының жетекшісі Геннадий Зюганов үшін 17,15 пайыз дауыс берген. Ал үшінші орындағы тәуелсіз үміткер Михаил Прохоров 7,6 пайыз дауыс жинапты.
Либералды демократиялық партия жетекшісі Владимир Жириновский үшін 6,24 пайыз, ал Справедливая Россия партиясының басшысы Сергей Миронов үшін 3,62 пайыз дауыс берген. Владимир Жириновский мен Сергей Миронов сайлаудың алғашқы қорытындылары жариялағаннан кейін, Владимир Путинды жеңіспен құттықтаған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.