РФ Челябинск облысында қазанда ҰҚШҰ Ұжымдық жедел әрекет етуші күштерінің жедел тактикалық оқу-жаттығулары өткізіледі
Алматы. 21 мамыр. Kazakhstan Today - РФ Челябинск облысының Чебаркуль гарнизонында Ұжымдық қауіпсіздік шарты ұйымына мүше алты мемлекеттің өкілдері кеше Ұжымдық жедел әрекет етуші күштердің бірлескен жедел тактикалық оқу-жаттығуларын өткізу туралы хаттамаға қол қойды. ҰҚШҰ Ұжымдық жедел әрекет етуші күштерінің жедел тактикалық оқу-жаттығулары Челябинск облысында 2010 жылдың 25-28 - қазанында өтеді, деп хабарлайды Kazakhstan Today "РосБизнесКонсалтинг" (РБК) агенттігіне сілтеме жасап.
Құжатқа Армения, Беларусь, Қазақстан, Қырғызстан, РФ, Тәжікстан өкілдері мен ҰҚШҰ біріккен штабының жетекшілері қол қойды. Бұл - Ұжымдық жедел әрекет етуші күштердің екінші оқу-жаттығулары. Біріншісі 2009 жылғы күзде Қазақстанда өткен.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.